Innanlands

Articon skal gera tunlarnar Norður um Fjall

Landsverk og Articon hava í dag undirskrivað sáttmála fyri verkætlanina tunlar norður um Fjall. Verklagslógin fyri teir báðar tunlarnar er 522 milliónir, og teir skulu verða lidnir í 2024

Jón Sigurdsson, stjóri í Articon og Sigurd L. Lamhauge, stjóri í Landsverki (Mynd: Landsverk)

2021-04-19 19:51

Sverri Egholm

Seinnapartin var samkoma, tá Articon og Landsverk undirskrivaðu sáttmála til verkætlanina Tunlar norður um Fjall.

Sum nakað serligt kann nevnast, at hetta er størsti sáttmáli, sum er undirskrivaður í einum á Landsverki, skrivar stovnurin á heimasíðuni.

Sáttmálin fyri henda partin av verkætlanini er áljóðandi 373.780.332 milliónir krónur, og tá er millum annað el-arbeiði ikki við. Samlaða metingin fyri verkætlanina er í verklagslógini 522 milliónir krónur.

Eftir ætlan skulu tunlarnir norður um Fjall verða lidnir í 2024.

Vinarliga broyt tínar kennifíla - og privatlívsstillingar fyri at síggja hetta innihald