Atlantsflog fleiri leigutúrar nú rutuflúgvingin liggur still

Nú rutuflúgvingin liggur still, er tað eydnast Atlantic Airways at fáa fleiri leigutúrar við útgangsstøði frá franska flogvøllinum.

Hesum boðar flogfelagið frá.

Tað var í 2019 at Atlantsflog fór undir at búgva beinleiðis úr Føroyum til stóra flogvøllin Charles de Gaulle í París, sum nú er snúningsdepil fyri leigutúrarnar.

Fyrsti leigutúrurin var frá Charles de Gaulle til Yangon í Myanmar við eini millumlending í Baku í Aserbadjan. Tað var Elinborg við manning, ið fleyg langa teinin til Myanmar, og tey lendu í dag aftur í franska høvuðsstaðnum.

Virksemið hjá Atlantsflogi er annars skert í hesum tíðum. Síðstu vikuna hevur felagið sagt farvæl við 90 starvsfólk orsakað av koronakreppuni.