Átta persónar staðfestir smittaðir í gjár

Í gjár vórðu átta nýggir smittutilburðir staðfestir, vísa nýggjastu tølini hjá landslæknanum.

Seks eru partur av kendari smittuketu, ein persónur hevur fingið staðfest smittuna við kanningini við komu til Føroya, og framvegis er ógreitt, hvussu ein persónur er smittaður, skrivar corona.fo.

Tilsamans 921 persónar hava fingið staðfest smittuna í Føroyum. Av teimum eru 800 staðfestir frískir aftur. Ein persónur er deyður við koronu í Føroyum.

Í løtuni eru 120 persónar smittaðir við koronu.