Avgreið alt sum til ber - uttan at møta upp

Allastaðni kring landið, á øllum økjum, verða átøk gjørd fyri at stegða møguligari spreiðing av coronavirusinum.

Les eisini: Avlýsingar og átøk - orsakað av corona-stongslinum
               Yvirlit:Átøk hjá Tórshavnar kommunu móti corona
               Klaksvikar Kommuna: Tann smittaði er starvsfólk á dagstovni

Øll skipað koyring til flogvøllin er steðgað: Hjá Leið 300 hjá Bygdaleiðum, og Shuttle-tænsturnar Auto, Bil Minitaxa 96 og Eysturrrutan eru steðgað. Bíðað verður framvegis eftir, hvat fer at henda við flogferðsluni,

Í høvuðsheitinum snýr tað seg um hjá fólki, at ikki verða so nógv í samband við hvørt annað, og bankarnir, Betri og Bank Nordik, umframt sparikassarnir, Norðoyar og Suðuroyar Sparikassi, hava stongt sínar avgreiðslur komandi tvær vikurnar. Fíggjarlig viðurskifti skulu harvið

Nakrar fyritøkur, sum dømi kunnu nevnast Føroya Tele, Nema og Bygma Balslev, hava opið, men mæla kundunum til at avgreiða tað á netinum og ígjøgnum telefon, sum til ber. At møta upp skal bert gerast, umt að er heilt neyðugt.

IDE Møblar hava opið, men bert í hálvari manning. Handilin mælir, sum so nógvir aðrir nú, til, at gjalda við korti og til gott hondreinføri. Summir handlar taka als ikki ímóti kontantum í løtuni.