Sverri Egholm
Tað er sera óvist, hvørjar avleiðingar COVID-19 fer at hava fyri samfelagið og virksemið hjá BankNordik, og tí er tað í løtuni trupult at meta um fíggjarligu útlitini hjá samtakinum.
Hetta sigur bankin í tíðindaskrivi um ársaðalfundin sum var í dag.
Les eisini: Ben Arabo nýggjur nevndarformaður í BankNordik
Bankin metir tað ikki vera ráðiligt at gjalda íleggjarum 67,2 mió. kr. í vinningsbýti fyri 2019, sum ætlanin upprunaliga var. Á aðalfundinum varð tí samtykt, at einki vinningsbýti verður goldið fyri 2019.
Á ársaðalfundinum vórðu hesi mál viðgjørd:
• Frágreiðing nevndarinnar um virksemið hjá BankNordik í 2019 varð góðkend
• Ársfrágreiðingin hjá BankNordik fyri 2019 varð góðkend
• Avgerð varð tikin um ikki at gjalda vinningsbýti fyri 2019
• Uppskot nevndarinnar um val av 6 aðalfundarvaldum nevndarlimum varð
góðkent
• Nevndarlimirnir Barbara Pállsdóttir Vang, Jógvan Jespersen, John Henrik Holm og Gunnar Nielsen vórðu afturvaldir, meðan Ben Arabo og Hans Arni Bjarnason Thomsen vórðu valdir sum nýggir nevndarlimir
• P/F Januar, løggilt grannskoðanarvirki, og PricewaterhouseCoopers Stats autoriseret Revisionspartnerselskab, vórðu afturvaldir sum uttanhýsis grannskoðarar
• Uppskot nevndarinnar um nevndarsamsýningar í 2020 varð góðkent
Vinarliga broyt tínar kennifíla - og privatlívsstillingar fyri at síggja hetta innihald