Ingi Samuelsen
Eitt verk av duldarfulla bretska listafólkinum, Banksy, varð í gjár víst fram á einum sjúkrahúsi í Southampton. Myndin heiðrar heilsustarvsfólkunum, sum stríðast móti koronavirusinum, skrivar BBC.
Verkið vísir ein lítlan drong í t-troyggju og yvirálsbuksum, sum hevur skift vanligu hetjudukkurnar, Batman og Spiderman, út við eina dukku av eini sjúkrasystir.
Sjúkrasystirin er í kappa og rættir armarnar út eins og Superman plagar.
Verkið verður víst fram á sjúkrahúsinum Southampton General Hospital til í heyst, tá tað verður selt á uppboðssølu. Pengarnir frá søluni fara til bretska heilsuverkið.
Myndin er svørt-hvít, men á fyriklæðinum er ein reyður krossur.
Sambært BBC legði Banksy eini stutt boð til sjúkrahússtarvsfólkini saman við verkinum, ið er ein fermetur til støddar, og sum hevur fingið heitið ”Game Changer”.
- Takk fyri alt, tit gera. Eg vóni, at hetta lýsir staðið upp eitt sindur, eisini hóast tað er svart-hvítt, stendur á lepanum frá Banksy.
Meira um Banksy:
Betlehemsstjørnan sum eitt skothol
Listaverk selt fyri 8,9 milliónir krónur – oyðilegði seg sjálvt
Vinarliga broyt tínar kennifíla - og privatlívsstillingar fyri at síggja hetta innihald