Agnar Prestá
Beint áðrenn midnátt fekk løgreglan fráboðan um, at tveir menn vóru farnir til hendurs uttanfyri eitt skeinkistað í Havn. Tá løgreglan kom á staðið bardust teir enn. Blóðroynd varð tikin, og teir fáa helst revsing fyri brot á politiviðtøkurnar, upplýsir vakthavandi.
Tað er ein sannroynd, at tey flestu skeinkistøðini hava longri opið enn tilmælini eru.
Í gjárkvøldið helt løgreglan eyga við teimum. Í høvuðsstaðnum vórðu løgreglufólkini tó upptikin av øðrum, men tey ið reka skeinkistøðini, hava í vikuni avrátt at hava opið til midnátt og harvið ikki lata aftur klokkan 22, ið mælt verður til.
Í norðurøkinum lótu skeinkistøðini aftur millum midnátt og klokkan eitt (01.00), upplýsir løgreglan. Hetta er, sum gjørt hevur verið greitt fyrr, ikki nakað, ið løgreglan fær gjørt nakað ítøkiligt við.
Vinarliga broyt tínar kennifíla - og privatlívsstillingar fyri at síggja hetta innihald