Barnakonur skulu koma einsamallar til kanningar og ultraljóð

Sunnudagin boðaði Sjúkrahúsverk Føroya frá, at sjúkrahúsini nú ikki eru opin fyri vitjandi - bert eftir avtalu og undir serligum umstøðum.

Hetta er fyri at binda um heilan fingur í mun til koronustøðuna.

Tað ávirkar eisini barnakonur. Landssjúkrahúsið skrivar á heimasíðu sínari í dag, at
av tí at sjúkrahúsini hava stongt fyri vitjandi skulu barnakonur koma einsamallar til kanningar og ultraljóð á obstetriska ambulatoriið.

Somuleiðis skulu tær bera munnbind.