Bergtóra Høgnadóttir nýggj forkvinna í "HR í Føroyum"

Týsdagin 6. apríl var árligi aðalfundurin hjá áhugafelagnum HR í Føroyum hildin á parnassinum á Hotel Hafnia.

Á skránni var frágreiðing nevndarinnar fyri farna árið, roknskapurin var lagdur fram, áseting av limagjaldið varð samtykt, og nakrar viðtøkurbroytingar vórðu gjørdar, skrivar felagið í tíðindaskrivi.

Eisini varð nevndin í felagnum skipað av nýggjum.

Bergtóra Høgnadóttir er nýggj forkvinna. Heri Kjærbo er næstformaður, Anna Maria Ellingsgaard er skrivari, Bára Gásadal er kassameistari, og nevndarlimir eru Alexandra á Dul, Beinta Wilhelm, og Rasmus Nolsøe.