Bilførari ávirkaður av øðrum enn rúsdrekka

Illgruni var um, at førarin var ávirkaður av øðrum enn rúsdrekka, tá løgreglan í gjárkvøldið støðgaði einum bili í Klaksvík.

Illgrunin var so mikið sterkur, at bilførarin varð handtikin fyri at taka blóðroynd. Blóðroyndin vísti, at okkurt var í blóðinum. Nærri kanningar skulu nú avgera, hvussu skuldsetingin móti bilføraranum kemur at ljóða, upplýsir vaktleiðarin á politistøðini.