Innanlands

Bilur endaði á sjónum

Ein bilur fór á sjógv við Eystaru Bryggju í Havn seinnapartin – Eingin var í bilinum, og tað gekk skjótt at fáa hann upp aftur

Savnsmynd (Jens Kr. Vang)

Savnsmynd (Jens Kr. Vang)

2020-05-12 17:37 Author image
Alda Nielsdóttir
placeholder

Beint eftir klokkan trý seinnapartin varð boðað frá, at ein bilur var farin á sjógv við Eystaru Bryggju í Havn.

Sambært vaktleiðaranum á politistøðini er ógreitt, hvat tað var sum hendi.

– Bilurin stóð á bryggjuni og fór síðani á rull. Helst hevur hondbremsan ikki tikið við, verður sagt.

Tað gekk skjótt at fáa bilin á land aftur. Eingin fólkaskaði var, tí eingin var í bilinum, men bilurin hevur helst fingið nakað av skaða.

Talan var um ein spildurnýggjan bil, og viðkomandi, sum hevði ábyrgdina av honum hevur fingið boð um hendingina.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder