Birita Clementsen eindarleiðari í Heilsutænastuni hjá Tórshavnar kommunu

Fyrradagin hevði Birita Clementsen sín fyrsta arbeiðsdag sum eindarleiðari í Heilsu- og umsorganartænastuni í Tórshavnar kommunu, skrivar kommunan á heimasíðuna.

Birita er útbúgvin sjúkrarøktarfrøðingur, og hevur hon fleiri eftirútbúgvingar. Millum annað hevur hon tikið diplomútbúgving í leiðslu.

Umframt hetta hevur Birita eisini drúgvar royndir sum leiðari í Almannaverkinum, skrivar kommunan.