Blivið sera hált

Løgreglan hevur seinastu løtuna fingið fleiri fráboðanir um hálku. Tað er serliga í Suðurstreymoy og í Havn, at fráboðanir eru um hetta og onkur samanstoytur hevur eisini verið.

Hetta eisini sjálvt um góð dekk eru undir bilinum.

Heitt verður á fólk bæði í bili og til gongu um at ansa sær í hálkuni.

Landsverk sigur, at tað framhaldandi ikki er koyrandi til Gjáar, og á Vestmannavegnum er jarðrok og vánalig koyrilíkindi.

Heitt verður á bilførarar um at vísa stórt varsemi.