Innanlands

Borgaralisti bjóðar seg fram í Vága kommunu

Seks kvinnur og níggju menn eru á borgaralistanum

2020-10-19 16:01 Author image
Sverri Egholm
placeholder

15 valevni bjóða seg fram á borgaralistanum í Vága kommunu til kommunuvalið, sum verður 10. november.

- Vit hava ein breiðan lista við góðari umboðan fyri alla kommununa. Vit hava royndar politikarar og eisini nógv nýggj fólk. Hava rímuliga javnt kynsbýti. Eru ófaklærd og lærd, stendur í tíðindaskrivi frá listanum.

- Okkara hjartamál er at virka fyri trivnaði fyri allar borgararnar í kommununi, og at arbeiða kommunalt, heldur enn lokalt.

Talan er um seks kvinnur og níggju menn, sum stilla upp á listanum.

Hesi stilla upp:

- Albert Ellefsen, 61 ár, fíggjarleiðari, Miðvágur

- Birita E. Petersen, 51, ár, lærari, Sandavágur

- Bjarni Prior, 47 ár, verkætlanarleiðari, Sandavágur

- Christina Ravnsfjall, 41 ár, grassroot samskipari, Sandavágur

- Dagbjørn Hansen, 54 ár, handverkari, Sandavágur

- Fróði H. Poulsen, 45 ár, flogskipari, Miðvágur

- Heðin Poulsen, 52 ár, goymsluleiðari, Vatnsoyrar

- Jonhard Joensen, 60 ár, handverkari, Sandavágur

- Jóanis Albert Nielsen, 24 ár, bankaráðgevi, Sandavágur

- Marna Zachariassen, 38 ár, hjálparfólk, Miðvágur

- Martin Simonsen, 39 ár, fiskarøktari, Miðvágur

- Óli Lydersen, 32 ár, maskinførari, Miðvágur

- Rósa Samuelsen, 60 ár, løgtingskvinna, Sandavágur

- Stacey Wiberg, 37 ár, vinnurekandi, Miðvágur

- Tórdis Dam Johannesen, 48 ár, námsfrøðingur, Sandavágur

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder