Brasil: Ákæruvaldið kannar skógareldarnar

Ákærar í Brasil fara nú at kanna økta talið av skógareldum og skógartýningina í Amazonas. Hetta upplýsir skrivstovan hjá ákæruvaldinum í brasilianska statinum Pará, sambært Reuters. 

Tað er í vikuni komið fram, at Amazonas brennir áhaldandi og meira enn nakrantíð. Áleið 73.000 skógareldar hava verið í heimsins størsta regnskógi í ár; ein rúgva av teimum eru ásettir, og sambært miðlum er hetta eggja til og stuðla av forsetanum, Jair Bolsonaro, ið nú er komin undir trýst.

Les eisini: Heimsins størsti regnskógur brennur meira og meira 

Ákæruvaldið í Pará skal kanna, um tað hevur verið avmarkað eftirlit við Amazonas, og um tað hevur verið gjørt nóg mikið har fyri at verja umhvørvi.