Bussur koyrt útav omanfyri Syðrugøtu

Landsverk hevur ávarað um vánalig koyrilíkindi kring landið, og Strandferðslan hevur eisini boðað frá, at fleiri bussleiðir ikki koyra í løtuni.

Les eisini: Vánalig koyrilíkindi ávirka bussleiðina

Um klokkan 11 fyrrapartin koyrdi ein bussur eisini útav omanfyri Syðrugøtu.

Vaktleiðarin á politistøðini sigur, at orsøkin var nokk ein kombinatión av hálkuni og vindinum.

Lítið av fólki vóru í bussinum, tá óhappið hendi, og sum skilst var hvørki nakar materiellur skaði ella fólkaskaði.

Um bussurin er farin víðari, ella um hann stendur har enn, veit vaktleiðarin ikki at siga.