Býráðið í Klaksvík verður skipað í kvøld

Nývalda býráðið í Klaksvíkar kommunu fer at skipa seg í kvøld, tá almennur fundur verður. Tað skrivar kommunan á heimsíðuni.

Á fundinum verða borgarstjóri, varaborgarstjóri og nevndirnar valdar.

Fólkaflokkurin, Sambandsflokkurin og Tjóðveldi hava skipa samgongu í Klaksvíkar kommunu, har Karl Johansen úr Sambandsflokkinum verður nýggjur borgarstjóri.

Vegna koronu verður ikki møguligt at hava áhoyrarar inni í býráðshøllinum, men fundurin verður stroymdur, so øll hava møguleikan at fylgja við á netinum.