Agnar Prestá
Býráðsfundur verður í Klaksvík í kvøld. Tað er einki óvanligt í hesum - býráðið í Klaksvík hevur vanligt slíkar seinasta hóskvøldið í hvørjum mánaða.
Tað verður tó talan um ein søguligan, sum klaksvik.fo skrivar.
- Hetta er fyrsti býráðsfundur, sum verður hildin í býarsalinum í Varpinum, har regluligu fundirnir hjá býráðnum framyvir verða hildnir.
Býráðsfundir hava annars í langa tíð verið í býráðshúsinum á eystaru síðu av Klaksvíkini. Nú er greitt, at hesir framyvir vera í stáðisliga nýggja mentanarhúsinum í miðbýnum.
Á fundinum í kvøld klokkan 17.30 skal millum annað ein íløgujáttan til júst Varpið játtast við aðru viðgerð. Talan er um tríggjar milliónir krónur. Hetta varð játtað í síðsta mánaða - upprunaliga søkti grunnurin fyri mentanarhúsið um fimm milliónir krónur.
Les eisini: Varpið fær tríggjar milliónir frá býráðnum
Klaksvíkar býráð skal eisini taka støðu til seks onnur mál - sí yvirlit her
Til ber at stroyma almenna býráðsfundin umvegis leinkið á forsíðuni. Til ber eisini at lurta eftir býráðsfundinum á stream.fo og á FM 98,7, upplýsir klaksvik.fo.
Vinarliga broyt tínar kennifíla - og privatlívsstillingar fyri at síggja hetta innihald