Býráðslimur í Tórshavnar býráði smittaður við korona

Ein býráðslimur í Tórshavnar býráð hevur fingið staðfest koronavirus. 

Hetta váttar Annika Olsen, borgarastjóri í Havn, fyri Kringvarpinum seinnapartin.

- Hetta ávirkar ikki býráðsarbeiðið sum so, tí vit fylgja tilmælunum frá myndugleikunum, og vit arbeiða við videofundum.

Borgarstjórin vil í løtuni ikki siga, um aðrir býráðslimir skulu í sóttarhald orsaka av hesum.

Tað er ikki kunngjørt, hvønn býráðslim talan er um, men tað er fyrsti politikkari, sum hevur fingið koronasmittuna, sum vit vita um.