Alda Nielsdóttir
Fyrrapartin eru 11 fólk, ið hava fingið staðfest koronasmittuna, staðfest frísk aftur.
Hesum boðar Heilsumálaráðið frá.
Sostatt er talan um tilsamans 14 av teimum 92, ið hava fingið staðfest smittuna í Føroyum, sum eru vorðin frísk aftur.
– Fyri at staðfesta, at smittaði fólk eru frísk aftur, skulu ganga 48 tímar uttan sjúkueyðkenni. Tá bera tey ikki smittuna longur og kunnu loysast úr sóttarhaldi, sigur Bjarni á Steig, yvirlækni og ráðgevi hjá Heilsumálaráðnum.
Tey, sum hava fingið smittuna, kunnu tískil sleppa skjótari úr sóttarhaldi enn fólk, sum tey hava havt samband við.
– Tey, ið eru í sóttarhaldi, tí tey hava havt samband við ein smittaðan persón, skulu framhaldandi verða í sóttarhaldi í 14 dagar, tí tey kunnu vera smittuberi í tvær vikur, sigur hann.
Vinarliga broyt tínar kennifíla - og privatlívsstillingar fyri at síggja hetta innihald