Dansivikuskifti fyri ung í Kvívík

23. til 25. septembur verður skipað fyri tiltakinum Ung í Dansi í Kvívík.

Her møtast ung í aldrinum 12 til 30 ár at dansa føroyskan dans saman. Tað er ungdómsfelagið í Sláið Ring – Ung í Dansi – ið skipar fyri.

Hetta hevur verið afturvendandi tiltak í fleiri ár føroyskum dansi at frama. Tey ungu møtast til eitt vikuskifti við nógvum dansi, spølum og hugna sum heild. Eisini verður farið onkran túr, og onkur kemur at fortelja um eitthvørt viðvíkjandi føroyskum dansi.

Tiltakið er rúsfrítt og ókeypis!

Meira um tiltakið og um tilmelding sæst á heimasíðuni hjá Slái Ring https://sr.fo/ung-i-dansi-i-kvivik/ .