Danski uttanríkisráðharrin vitjar í Gásadali og í Havn í dag

Danski uttanríkisráðharrin, Jeppe Kofod, vitjar í Føroyum í dag og í morgin. Uttanríkis- og Mentamálaráðið boðaði í gjár frá, at Jenis av Rana, landsstýrismaður í uttanríkismálum, verður vertur fyri vitjanini, og at saman skulu ráðharrarnir millum annað umrøða uttanríkspolitisk mál, ið eru á breddanum í løtuni.

Les eisini: Enn ein danskur ráðharri á vitjar

Ein stuttur túrur verður gjørdur til Gásadals, eftir at Jeppe Kofod er lednir. Síðani verður koyrt til Havnar, har danski uttanríkisráðharrin, ið umboðar sosialdemokratarnar, og Jenis av Rana hava fund í Tinganesi. Eftir fundin fáa fjølmiðlafólk høvið at hitta ráðharrarnar. Hetta verður klokkan 17.30