Døglingarnir møguliga farnir

Tað letur til at døglingarnir sum seinastu vikurnar hava verið at sæð í Kaldbaksbotni, nú eru farnir.

Teir hava verið til undirhald fyri nógv - ikki minst útlendingar - og nógvu bilarnir framvið Kaldbaksvegnum hava í nógvum førum elvt løgregluni og øðrum til høvuðbrýggj.

Áðrenn døglingarnir stevndu inn á Kaldbaksfjørð hildu teir í fleiri dagar til inni á Skálafirði. Hetta var fyrst í juli.

Facebooksíðan Faroe Islands Whale Watch skrivar, at fólk ikki hava sæð døglingarnar í einar fýra til fimm dagar, og at teir nú helst hava leitað sær út aftur á hav.

(Mynd: Jógvan Hansen)