Uttanlands

Eftir 90 prosent: Púra javnt millum Netanyahyu og Gantz

Likud og Bláu og Hvítu standa til 32 sessir hvør, og einki er avgjørt í valinum í Ísrael

Ivasamt er, um Benjamin Netanyahu heldur meirilutan. Sannlíkindi eru fyri, at hann verður koppaður

Ivasamt er, um Benjamin Netanyahu heldur meirilutan. Sannlíkindi eru fyri, at hann verður koppaður

2019-09-18 11:01 Author image
Agnar Prestá
placeholder

Í gjár var tjóðartingsval fyri aðru ferð uppá fimm mánaðir í Ísrael. Spenningur var frammanundan um Benjamin Netanyahu, sum hevur staðið á odda fyri ísraelskum politikki í tíggju ár, fór at megna at halda meirilutan saman við flokki sínum, Likud

Les eisini: Møguleiki fyri stjórnarskifti í Ísrael

Í venjarakanningum stóð á jøvnum millum Likud og Blá-Hvítu miðsamgonguna undir leiðslu av fyrrverandi herleiðaranum í Ísreael, Benny Gantz, og eftir at 90 prosent av atkvøðunum vóru taldar upp, stóð púra javnt millum stóru mótstøðuflokkarnar. Hetta skrivar Ritzau, umvegis ísraelskar miðlar.

Í tjóðartinginum eru 120 sessir, og í løtuni standa Likud og Bláu og Hvítu til at fáa 32 sessir hvør. 

Tískil er púra óvist, hvat fer at henda: Um Netanyahu og Gantz møguliga fara at samstarva, um fyrrverandi verjumálaráðharrin Avigdor Lieberman og flokkur hansara kunnu gerast avgerandi, ella kanska arabiski felagslistin. Teir flokkarnir standa til at fáa ávíkavist níggju og tólv sessir.

Væntast kann, at seinni í dag er endaliga úrsliti úr Ísrael tøkt.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder