Ein tilburður staðfestur í gjár

Í gjár varð ein nýggjur koronatilburður staðfestur, vísa nýggjastu tølini hjá Landslæknanum.

Tann smittaði er avbyrgdur, og Landslæknin er í gongd við smittusporingina.

Tilsamans eru nú 135.890 kanningar gjørdar, harav 619, sum vórðu gjørdar í gjár.

Tilsamans eru nú 476 smittutilburðir staðfestir í Føroyum, og av teimum eru 452 staðfest frísk aftur. Sostatt er talið á smittaðum í løtuni 24.

Síðan í gjár er ein persónur útskrivaður av sjúkrahúsinum, og sostatt er bert ein innlagdur við korona í løtuni. 117 eru í sóttarhaldi.