Einar Waag kundi ikki siga nei til tilboðið

- Vit fingu eitt tilboð, sum vit ikki kundu siga nei til.

Soleiðis sigur Einar Waag, stjóri á Føroya Bjór við Norðlýsið um óvæntaðu tíðindini í gjárkvøldið, at bryggjaríið í Klaksvík nú hevur keypt hitt føroyska bryggjaríið, Okkara á Velbastað.

Einar Waag sigur, at samráðingargongdin millum partarnar hevur verið stutt. Einki er komið fram um keypsprís – tað er eitt trúnaðarmál millum partarnar, sigur Einar Waag við Norðlýsið.

Ongar ætlanir eru um at gera broytingar á Okkara, sum kemur at halda fram á sama hátt sum í dag.