Eingin konsert fyrr enn fótbólturin er liðugur: Her er skráin fyri í kvøld

Um tú ikki ætlar at hyggja eftir fótbólti við Djúpumýrar, so mást tú finna uppá okkurt. Tú fært so onga konsert fyrr enn dysturin millum KÍ og Víking er liðugur.

Annar dagur á Summarfestivalinum er í dag. Fólk hava hugna sær í góðveðrinum í allan dag, og veðurforsagnirnar siga eisini gott veður í kvøld, um ikki sól, so stil og turt veður.

Fyrsta navnið í dag byrjar ikki fyrr enn klokkan 20, tá norski rokkbólkurin úr Noreg, Kongkamerat trínur á pallin í Tjaldinum. Klokkan 21 er stóra navnið Rasmus Seebach, og Lea Kampman spælir aftaná hetta í Tjaldinum.

Seinni í kvøld spæla millum annað Dynamit Perlur, Hamradun, Swangah og Páll Finnur Páll.

Dysturin millum KÍ og Víking byrjar klokkan 18:15.