placeholder
Innanlands

Eingin nýggj smitta staðfest í fýra vikur

Í Føroyum er eingin staðfestur positivur fyri koronu síðan 12. mars, og eingin er smittaður innanlands í Føroyum síðan síðst í januar

Mynd: Getty Images

Mynd: Getty Images

2021-04-10 14:19 Author image
Alda Nielsdóttir
placeholder

Nú eru fýra vikur síðani, at seinasti smittutilburðurin varð staðfestur í Føroyum.

Tað var 12. mars, tá eitt ferðafólk fekk staðfest smittuna við komu til Føroya. Síðan tá er eingin staðfestur positivur fyri koronu í Føroyum.

Fyri at finna seinastu ferð ein persónur varð smittaður við koronu innanlands í Føroyum, skulu vit heilt aftur til 25. januar – næstan tríggjar mánaðir.

Tilsamans 661 persónar hava fingið staðfest koronu í Føroyum, og av teimum vórðu 660 staðfestir frískir aftur. Ein persónur er deyður við koronu í Føroyum.

Í Føroyum hava vit higartil gjørt tilsamans 246.276 kanningar.

Næstan 14 prosent av fólkinum koppsett

Fleiri enn 11.400 koppsetingar eru nú gjørdar í Føroyum, og sambært uppgerð hjá corona.fo hava 13,9 prosent av fólkinum í Føroyum fingið fyrru koppsetingina, meðan 7,8 prosent eru liðugt koppsett.

Les eisini: 500 fólk kunnu nú savnast – heimauppihaldið verður stytt

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder