Eingin nýggjur tilburður síðani hósdagin

Ikki síðani hósdagin er ein tilburður av covid-19 staðfestur í Føroyum. Tá var ein persónur staðfestur positivur.

Seinasta samdøgrið eru tvey staðfest frísk aftur, og sostatt eru 14 positiv í Føroyum í løtuni. Sambært tølunum hjá Heilsumálaráðnum eru 99 fólk í sóttarhaldi, og eingin er innlagdur.

Tíðarskeiðið har flest fólk hava verið smittað við korona, var um miðjan august, tá 147 fólk høvdu smittuna. Her skal havast í huga, at tilburðir umborð á útlendskum skipum, sum lógu við bryggju í Føroyum, taldu við.