Innanlands

Eingin staðfestur positivur í gjár

Í dag er eingin broyting í tølunum – 17 eru framvegis positiv, og eingin er innlagdur

Mynd: Ólavur Frederiksen

2020-10-23 12:47

Alda Nielsdóttir

478 kanningar vórðu gjørdar í gjár, men eingin varð staðfestur positivur, boðar Landslæknin frá.

Støðan er sostatt framvegis tann, at 490 hava fingið staðfest covid-19 í Føroyum, og at 473 teirra eru staðfest frísk aftur. Talið á teimum, sum eru positiv í løtuni er framvegis 17.

Tilsamans eru 148.854 kanningar gjørdar í Føroyum.

Eingin er í løtuni innlagdur við covid-19 í Føroyum. 62 eru í sóttarhaldi.

Vinarliga broyt tínar kennifíla - og privatlívsstillingar fyri at síggja hetta innihald