Eingin staðfestur positivur í gjár

Í gjár varð eingin nýggjur smittutilburður staðfestur, vísa nýggjastu tølini hjá Landslæknanum.

Støðan er sostatt óbroytt. Enn eru 498 persónar staðfestir positivir fyri covid-19 í Føroyum, og 495 teirra eru síðani staðfestir frískir aftur. Talið á positivum í løtuni er tí framvegis trý.

164 kanningar vórðu gjørdar í gjár, og allar eru liðugt greinaðar. Tilsamans eru nú 161.610 kanningar gjørdar í Føroyum.

Eingin er í løtuni innlagdur á Sjúkrahúsverki Føroya í sambandi við covid-19, og sjey eru í sóttarhaldi.