Eingin staðfestur positivur í gjár

Í gjár varð eingin staðfestur positvur fyri covid-19, vísa nýggjastu tølini hjá Landslæknanum.

234 kanningar vórðu gjørdar í gjár, og allar kanningarnar eru liðugt greinaðar. Tilsamans eru nú 214.876 kanningar gjørdar í Føroyum.

Seinasta samdøgrið er ein persónur staðfestur frískur, og eru sostatt bert seks positiv eftir nú.

Tilsamans hava nú 649 persónar fingið staðfest smittuna í Føroyum, 642 teirra eru staðfestir frískir aftur, og ein persónur er deyður.

Eingin persónur er í løtuni innlagdur á Sjúkrahúsverki Føroya í sambandi við covid-19. 26 eru í sóttarhaldi.