Einki tjóðleikhús á Eystaru bryggju

Eftir tilmæli frá havnarmeistarunum, hevur havnarnevndin í Tórshavnar kommunu í morgun samtykt ikki at gera leigusáttmála um øki til tjóðleikhús á Eystaru bryggju í Havn.

Hetta skrivar in.fo seinnapartin.

Fýra arkitektafyritøkur komu annars í september 2022 við uppskoti um, hvussu nýggja tjóðleikhúsið við Bursatanga í Havn skuldi síggja út. MAP Arkitektar vunnu kappingina.

Tað er Tórshavnar býráð, sum skal taka endaliga avgerð í málinum, men vanliga verða avgerðir hjá havnarnevndini fylgdar.