Einki X Factor fríggjakvøldið

Hevði tú glett teg at sæð Thomas Blachman, Kwamie Liv, Simon Kvamm og kanska onkran føroying í X Factor fríggjakvøldið, mást tú vera tolin. 

X Factor hesa vikuna verður nevniliga ikki sent fríggjadag sum vanligt, men er flutt til leygarkvøldið klokkan 20.

Orsøkin er at menninir á danska hondbóltslandsliðnum spæla júst fríggjakvøldið, og hetta er tikið fram um tónleikakappingina.

Danmark spælir móti Belgia klokkan 20:25 fríggjakvøldið.

Hevur tú hald á TV2 Play, ber tó til at síggja X Factor longu fríggjadagin, tí parturin er longu tøkur fríggjamorgun.

Olvheðin Jacobsen úr Hvannasundi

Hetta er síðsta upptøkuroyndin í hesum umfarinum áðrenn farið verður til 6 Chair Challenge. Í fyrstu upptøkuroyndini kom sundamaðurin Olvheðin Jacobsen víðari. Spennandi verður at síggja hvussu hann fer at klára seg víðari í kappingini.