Eitt lítið vet færri bilar í juli

Hóast ferðslutølini enn ikki eru farin upp um tey í januar, tá ókeypis var at koyra ein triðing av mánaðinum, so tykist ferðslan í Eysturoyartunlinum at hava lagt seg í eina góða legu.

Í juli koyrdu 4531 bilar ígjøgnum tunnilin í miðal um dagin. Tað er eitt lítið vet færri bilar enn í juni tá 4.566 bilar í miðal koyrdu.

Januarmánaði er framvegis tann besti higartil hjá tunlinum, sum lat upp stutt fyri jól í fjør. Tað var ókeypis at koyra til 10. januar, og tað sæst aftur á tølunum. 4667 bilar koyrdu undir Tangafjørð í januarmánað.