Eldur kyknaði í bili millum Sund og Sandvíkar

Fyri løtu síðani kom fráboðan um at eldur var komin í ein bil, sum koyrdi nakað sunnan fyri Sund.

Vaktleiðarin á løgreglustøðini sigur, at tað gjørdist ongantíð so ógvusligt, tí fleiri av teimum bilunum, sum komu framvið, høvdu eldsløkkjara í bilinum.

Tískil var eldurin meira ella minni sløktur, tá sløkkiliðið og politiið annars kom á staðið.

Sum skilst stóðst eingin persónsskaði av hendingini.

Løgreglan leiddi ferðsluna í økinum eina løtu og bíðirøðir vóru.