Enn ein innbrotsroynd á Biskopstorgi

Um jóltíðir hava tjóvar roynt at sloppið inn í ymisk høli á Biskopstorgi í Klaksvík. Annan jóladag upplýsti løgreglan um eina innbrotsroynd í eina kaffistovu á staðnum, og í gjár kom fráboðan um enn eina roynd at bróta inn.

Hesaferð varð roynt at bróta inn í ein handil. Tað er ikki vist, nær innbrotsroyndin er farin fram, men í handlinum varnaðust tey hetta í gjár.

Vaktleiðarin á løgreglustøðini sigur í morgun, at tey tryggja tey sporini sum eru at fara eftir, men í løtuni er eingin undir illgruna.

Les eisini: Royndi at skaffa sær atgongd til kaffistovu