Enn einki at síggja til Karl

Frumsýning av norska Paradise Hotel var mánadagin, og millum luttakararnir í ár er Karl Weihe úr Sandavági, sum áður hevur luttikið í donskum realitysendingum.

Men í trimum teimum fyrstu pørtunum, sum blivu tøkir mándagin, var lítið at síggja til sandavágsingin. Hann hómaðist í onkrum brellbita um, hvat fer at henda í hesum umfarinum, men enn er hann ikki tjekkaður inn.

(Mynd: Viaplay)

Karl Weihe er 23 ára gamal, og luttók í 2022 í danska Ex on the Beach, og tískil er hetta nakað øðrvísi. Í Ex on the Beach er eingin vinnari annað enn at okkurt hendinga par finnur kærleikan. Paradise Hotel er meira taktiskt, og tað snýr seg um at vera snildur og standa eftir sum vinnari og einari hálvari millión.

Norska Paradise Hotel er at síggja á Viaplay.