Enn fleiri hvalir gjørt landgongd í Tasmania

Ein grindabólkur á 200 hval gjørdi í gjár landgongd á eini strond á vestursíðuni av avstralsku oynni Tasmania.

Sostatt er talið á strandaðum grindahvalum í økinum komið upp á 470 seinastu dagarnar. Talan er sostatt um størstu landgongdina av slíkum slag nakrantíð í Avstralia, skrivar Reuters.

Les eisini: Næstan 300 hvalir gjørt landgongd í Tasmania 

Teir fyrstu 270 hvalirnir vórðu funnin mánadagin, og síðan hevur ein roynd verið gjørd at bjarga hvalunum útaftur. Tað var í hesi royndini, at funnið varð fram til hin stóra bólkin av vilstum grindahvalum. Flestu teirra verða hildnir at vera deyðir.

- Hvalirnir síggja ikki út til at vera í eini støðu, sum krevur eitt bjargingarátak, staðfestir Nic Deka, økisleiðari fyri náttúrumyndugleikarnar í Tasmania.

- Flestu teirra eru helst deyðir. Kunnu teir bjargast, so royna vit at gera tað, leggur hann afturat.

Granskarar kunnu ikki geva eina orsøk til, at hvalir í so stórum tali gera landgongd, skrivar Reuters.