Ingi Samuelsen
ES-tingið er kallað til bráfeingis fund í dag at taka støðu til serlig tiltøk orsaka av koronavirussinum.
Men hetta verður ein øðrvísi fundur enn valigt. Fyri fyrstu ferð skulu ES-tinglimirnir taka støðu til mál uttan at vera til staðar í tingsalinum, men skulu atkvøða við telduposti.
Vanliga skulu tinglimirnir vera til staðar fyri at kunna greiða atkvøðu tá ES-tingið hittist í Strasbourg ella Brússel. Men koronafarsóttin hevur broytt arbeiðsháttin í ES-tinginum nógv.
Longu 10. mars valdi David Sassoli, ES-tingformaður, at avlýsa flestu av tiltøkunum í tinginum í mars mánaði.
Fjaratkvøðugreiðslan í dag gongur soleiðis fyri seg, at ES-tinglimirnir fáa ein atkvøðuseðil sendandi við telduposti.
Her skulu tey greiða atkvøðu við undirskrift, sum tey síðan skanna og senda aftur til tingið.
-
Einstakir tinglimir eru til staðar (Mynd: EPA)
-
(Mynd: EPA)
Vinarliga broyt tínar kennifíla - og privatlívsstillingar fyri at síggja hetta innihald