Eysturkommuna: Nú er aftur møguleiki at melda seg til Ung í arbeiði

Eins og undanfarin ár bjóðar Eysturkommuna næmingum, sum búgva í kommununi og hava gingið í 9. flokki hetta skúlaárið, arbeiði í tvær vikur.

Heimasíðan hjá kommununi skrivar, at Ung í arbeiði er fyri tey, sum hava gingið í 9. flokki hetta skúlaárið, og tey sleppa til arbeiðis í tvær vikur í tíðarskeiðinum frá 29. juni til 10. juli. Arbeiðstíðin er átta tímar um dagin, fimm dagar um vikuna.

Møtt verður klokkan 8:00 í kommunufjósinum í Syðrugøtu, og arbeiði innber at fríðka um í kommununi: At lúka, sópa gøtur, mála, rudda o.s..fr.