Eysturoyartunnilin stongdur um næturnar í komandi viku

Í tíðarskeiðnum týsdagin 12. januar til týsmorgun 19. januar er Eysturoyartunnilin stongdur frá klokkan 19 á kvøldi til klokkan sjey morgunin eftir.

Hetta er orsakað av, at arbeitt verður í tunnlinum hesar næturnar, verður boðað frá á tunnil.fo.

Meðan tunnilin er stongdur verður sostatt ikki møguligt at koyra í tunnlinum.

Í dag er seinasti dagur, at Eysturoyartunnilin, sum lat upp fyri almenninginum 19. desember, er ókeypis. Frá á midnátt skulu øll akfør gjalda fyri at koyra gjøgnum tunnilin.

Les eisini: Nú fer tað at kosta at koyra gjøgnum tunnilin