Fáar kanningar gjørdar í gjár

Eingi kanningarúrslit verða almannkunngjørd í dag, sigur Heilsumálaráðið.

Orsøkin er, at so fáar kanningar vórðu gjørdar í gjár, og tí verða úrslitini almannakunngjørd í morgin í staðin.

Almennu tølini vísa sostatt framvegis, at 8.450 kanningar eru gjørdar, at eingin er smittaður í løtuni, og at eingin er í sóttarhaldi.

Næstu ferð nýggj kanningarúrslit fyri korona verða almannakunngjørd verður sostatt um middagsleitið týsdagin 12 mai.