Nú eru suðuroyingar á veg til Havnar við Smyrli at handa Una Rasmussen, landsstýrismann undirskriftir fyri at mótmæla handfaringina av Suðuroyarleiðini.
1.044 undirskriftir eru í skrivandi stund savnaðar gjøgnum talgilda undirskriftainnsavning, og verða undirskriftirnar handaðar landsstýrismanninum seinnapartin, skrivar Kringvarpið.
Tað er ein áhugabólkur fyri betran av Suðuroyarleiðini, sum mótmælir handfaringina av suðuroyarleiðini, og krevur, at Smyril ikki verður tikin úr sigling, fyrr enn eitt javnbjóðis skip á stødd við Smyrli verður fingið at røkja siglingina.
Les eisini: Mótmæla handfaringina av Suðuroyarleiðini
Eftir ætlan skal Herjólfur III annars byrja í sigling fyri Smyril leygardagin 20. august. Skipið skuldi undir royndarsigling fyrst í hesum mánaðinum, men sambært Kringvarpinum verður enn bíðað eftir siglingarloyvinum.
Vinarliga broyt tínar kennifíla - og privatlívsstillingar fyri at síggja hetta innihald