Fara at víðka um kirkjugarðin á Glyvrum

Í næstum verður farið undir at víðka um kirkjugarðin á Glyvrum.

Fyrireikað er at vaksa um hann inneftir – norðureftir, og tað verður Spf. Rókin á Glyvrum, sum stendur fyri arbeiðnum.

Arbeiðið varð fyrr í ár boðið út, og við ta innbodnu lisitatiónina, sum varð hildin í býráðssalinum í Saltangará 26. august, vóru trý tilboð innkomin, og var tað Spf. Rókin, sum átti lægsta boðið, skrivar Runavíkar kommuna.

Lægsta boðið var slakar 2,9 mió. kr. – og í gjár skrivaðu stjórin í felagnum, Jákup Martin Kjeld, og Tórbjørn Jacobsen, borgarstjóri í Runavíkar kommunu, undir sáttmála hesum viðvíkjandi.

Mynd: Runavíkar kommuna