Ferðafólkatalið á flogvøllinum næstan minkað niður í helvt

Koronavirusið hevur stóra ávirkan á flogferðsluna. Hetta er ikki nakað, ið kemur óvæntað á, men tølini hjá Vága Floghavn fyri mars mánað undirstrika nú, júst hvussu stór minkingin hevur verið.

Kringvarpið skrivar, at tað er ein afturgongd á 48,7 prosent í mun til í mars í fjør, tá 24.638 ferðaðust umvegis Vága Floghavn. 

Teir fyrstu tíggju dagarnar í farna mánaði var ferðslan 8.500 fólk, og tískil á veg at koma uppum talið frá mars í 2019 - talið var 15,6 prosent hægri í mun til 10. mars í fjør, skrivar Kringvarpið.

Men so vórðu tiltøk sett í verk ímóti korona av landsins myndugleikum. Ferðafólkatalið vaks skjótt, og í komandi vikuni varð talið av til- og fráferðum munandi skerd. Tær írestandu tríggjar vikurnar av mars mánaði nýttu bert 4.130 ferðafólk Vága Floghavn. 

Samanlagt vóru "bert" 23 prosent færri komur og fráferðir í fjør, men kvf.fo skrivar, at tað er tí, at tryluflúgvingin er íroknað.