Ferðsluljósini í Tjørnuvík eru komin upp

Tað er koyrandi sum vant eftir Tjørnuvíkarvegnum, men nakrar tímar í morgun var galið. Tað hevur í fleiri førum verið omanlop í økinum, og í dag kom nakað av gróti á vegin stutt frá bygdini.

Les eisini: Ikki koyrandi eftir Tjørnuvíkarvegnum í morgun

Út á fyrrapartin var støðan greidd. Mortan Olsen, leiðari á veghaldinum hjá Landsverk, sigur við Kringvarpið, at hetta var eitt av størru omanlopunum í økinum. Landsverk fekk ruddað grótið burtur, og ábøtur er gjørdar á asfaltið á vegnum. Omanlopið gav nakrar skaðar, sum síggjast, staðfestir Mortan Olsen.

Ætlanir eru um ein tunnil til Tjørnuvíkar

Ferðsluljós skulu aftur betra um summarferðsluna

- Aftur í ár kunnu vit fegnast um at ferðsluljós eru sett upp ímillum Tjørnuvíkar og Líðina oman móti Tjørnuvík.

Soleiðis skrivarði Sunda kommunu á heimasíðu sínari í gjár.

Tá summarið er, og nógv ferðafólk vitja Føroyar - umframt føroyingar ið vilja ein túr til Tjørnuvíkar - er stórt trýst á. Í fjør vórðu ferðsluljós sett upp fyri at fáa meira skipaði viðurskifti. Sunda kommuna vónar, at ferðsluljósini eru við til at betra um nógvu summar ferðsluna til og frá Tjørnuvík.