Bilur rendi á súkklu

Klokkan hálvgum tvey seinnapartin fekk løgreglan boð um, at eitt ferðsluóhapp hevði verið á Marknagilsvegnum í Havn.

Talan var um ein bil, sum koyrdi framvið einari súkklu og tók í róðrið á súkkluni. Talan var ikki um nakað álvarsamt ferðsluóhapp, men sum skilst var eitt sindur av materiellum skaða, sigur vakthavandi á politistøðini.

Súkklarin hevur, sum skilst, ikki fingið nakran álvarsaman skaða, men viðkomandi varð koyrdur á sjúkrahúsið til kanningar, sum vanligt er at gera í slíkum førum.