Fíggjarmálaráðið og Maskinmeistarafelagið eru byrjað at samráðast

Maskinmeistarafelagið skal hava nýggjar sáttmálar til sínar limir. 

Felagið hevur fyri kortum havt fyrsta samráðingarfund við kommunala arbeiðsgevarafelagið  um nýggjan sáttmála fyri maskinmeistarar, sum starvast hjá SEV og IRF.  Partarnir handaðu hvørjum øðrum krøvini og skulu hittast aftur í komandi viku. 

Nýggjur sáttmáli er eisini neyðugur fyri teir maskinmeistarar, sum starvast hjá tí almenna. Tað vil siga hjá Strandfaraskipum landsins, havrannsóknarskipunum, Vørn og í størvum á landi.

Tískil hittust Maskinmeistarafelagið og Fíggjarmálaráðið í gjár. Krøvini vórðu handaði og gjøgnumgingin, fundarrøð er avtalað og partarnir hittast aftur 19. mars. Tað skrivar heimasíðan hjá Maskinmeistarafelagnum.