Alda Nielsdóttir
Fyrsti filmur, sum Filmsfelgið sýnir í nýggja árinum er hin virðislønti Decision to Leave úr Suðurkorea.
Sýningin, sum er almenn, er í Havnar Bio mikukvøldið 11. januar, boðar Filmsfelagið frá.
Fjallaklintrari dettur oman
Løgregluovastin Hae-jun hevur ilt við at sova, og gremur seg um ov fáar morðgátur at loysa. Bráddliga kemur eitt løgið drápsmál honum í hendi, sum kanska kann geva honum arbeiðsgleðina aftur.
Ein fjallaklintrari er dottin oman, og tølandi einkjan, Seo-rae, tykist so órørd av støðuni, at løgregluovastin gerst illgrunasamur. Men tá hevur hon longu rúnarbundið Hae-jun.
Decision to Leave er ein hugtakandi romantisk nøtrisøga, har gessur og rættvísi eru snúningsásar í stílfullu søguni.
Suðurkoreanski leikstjórin, Park Chan-wook (f.1963), sum fyrr hevur gjørt Oldboy og Handmaiden, vann virðislønina sum besti leikstjóri í Cannes í fjør fyri júst henda filmin.
Vinarliga broyt tínar kennifíla - og privatlívsstillingar fyri at síggja hetta innihald